Gazeta Sinjali pak më parë raportoi se një zyrtar policor në Gjakovë është kërcënuar me vrasje, përmes rrjetit social “Whatsapp”, nga një person i dyshuar, para dy ditësh.
Motivi i gjithë ngjarjes dyshohet të jetë një gjobë, që zyrtari policor ia kishte shqiptuar një familjari të të dyshuarit.
I dyshuari e kishte caktuar një vendtakim dhe përmes mesazheve i kishte thënë zyrtarit policor se është duke e pritur aty.
Kështu ka bërë të ditur për Sinjalin Policia e Gjakovës dhe kanë njoftuar se e kanë kërkuar të dyshuarin në shtëpi dhe lokacione të tjera por i njëjti nuk është gjetur.
