Nga emisioni i “Për’puthen”, treshja më e famshme e këtij programi, padyshim se ishte Mevlani, Ledjana dhe Antonela, për shkak se të dyja kishin pëlqim për të njëjtin mashkull, shkruan Gazeta Sinjali.

Mevlani doli nga emisioni me Ledjana Prengën, ndonëse thanë se nuk janë një çift i mirëfilltë dhe se kishin disa gjëra për të diskutuar jashtë. Pak ditë pas daljes nga emisioni ata pranuan publikisht ndarjen dhe për këtë gjë djali nga Kavaja fajëson Ledjanën, ndërsa kjo e fundit thotë se e ka bezdisur shumë fakti që ai vazhdon të takohet me Antonelën.

Pas ndarjes së dyshes, fansat janë vënë në ndjekje të ish-konkurentëve të “Përputhen” dhe kanë parë Mevlanin dhe Antonelën së bashku. Ka qenë faqja në Instagram “Vipat e bllokut” ajo e cila ka publikuar audiomesazhin e një qytetari i cili deklaron se Antonela dhe Mevlani kanë darkuar në të njëjtin restorant me persona të ndryshëm në tavolina të ndryshme.

Sipas tij, pas darkës, ata janë larguar nga ambientet e restorantit që ndodhet në Vlorë dhe kanë shkuar në një hotel së bashku.

Ende nuk dihet se a është e sigurt kjo gjë, por fansat kanë ngritur dyshimet se Mevlani pas ndarjes nga Ledjana, po ngushëllohet në krahët e Antonelës. /GazetaSinjali/