Juventusi do të udhëtojë në Sassuolo pa disa lojtarë të rëndësishëm në mesfushë.
‘Biankonerët’ nuk do të mund të llogarisin në tre mesfushorët, Arthur, Weston McKennie dhe Manuel Locatelli, lëndime këto që mund të vazhdojnë deri në fund të sezonit, transmeton Sinjali Sport.
Adrien Rabiot dhe Denis Zakaria mbeten lojtarët e vetëm të disponueshëm për Max Allegrin në mesfushë për ndeshjen e nesërme. Danilo është vendosur në mesfushën qendrore gjatë javëve të fundit dhe e njëjta gjë mund të ndodhë edhe nesër.
Arthur mund të kthehet në aksion kundër Venezias javën e ardhshme, por Locatelli dhe McKennie mund të mos kthehen para sezonit 2022-2023.
Locatelli u përjashtua për katër javë në fillim të muajit pas një ndrydhjeje kolaterale të gjurit. McKennie kishte pësuar një frakturë të kockave në ndeshjen e Juventusit në Ligën e Kampionëve kundër Villarrealit në shkurt.
Allegri fillimisht tha se ndërkombëtari i USMNT nuk do të kthehej para fundit të sezonit, por më pas pretendoi se mesfushori kishte një shans të vogël për t’u rikthyer në ndeshjet e fundit të sezonit. Ai nuk u duk aq optimist gjatë një konference për shtyp sot para ndeshjes.
“McKennie vrapoi pak dje, kështu që ai po përmirësohet, por fundi i sezonit është afër,” tha trajneri.
“Locatelli është ende prapa. Nuk e di nëse ai do të kthehet para fundit të kampanjës”, deklaroi italiani.
Juventusi është pesë pikë mbi Romën e vendit të pestë me një lojë më pak, por ndeshja më e rëndësishme e sezonit është finalja e Kupës së Italisë më 11 maj kundër Interit. Që nga sot, nuk ka gjasa që McKennie dhe Locatelli të jenë të aftë për ndeshjen kundër Nerazzurrëve dhe ndeshjet e fundit të 2021-22.
