Cristiano Ronaldo edhe zyrtarisht largohet nga Juventusi, shkruan Sinjali Sport.
Ylli portugez iu bashkua Manchester United, javën e kaluar, pas tre viteve të kaluara në Torino.
Zonja e vjetër pranoi ofertën e djajve të kuq prej 15 milionë eurove dhe 8 tjera bonuse.
Bianconeri sot konfirmoi largimin e tij me një komunikate falënderuese.
“Më 10 korrik 2018, dy ikona të botës evropiane dhe të futbollit u bashkuan – Cristiano Ronaldo u bë lojtar i Juventusit. Sot, pas tre vitesh së bashku dhe 133 paraqitje, 101 gola të shënuar dhe pesë trofe të fituar, atij kapitulli i ka ardhur fundi…. Rrugët e CR7 dhe Juventus janë ndarë”, thuhet fillimisht në njoftimin e Bianconerëve.
“Atë ditë në korrik, kur Cristiano mbërriti në Torino, ndjenja elektrike e atyre ditëve të mrekullueshme mund të ndihej përmes ajrit. Tifozët e Juventusit e mirëpritën CR7 si një mbret, të etur për ta parë atë në fushë dhe për të brohoritur me të. Ishte një histori e madhe”.
“E para e tij na la të impresionuar: dalja e parë në Villar Perosa, ku u bashkuan tradita dhe dëshira për të shkruar një të ardhme të mrekullueshme, ndeshja e parë zyrtare në Verona kundër Chievos, dhe natyrisht, goli i tij i parë, festimi i parë “Siuuu” që bëri jehonë rreth Stadiumit Allianz kundër Sassuolo. Pastaj, ishin trofetë e parë të fituar së bashku: Superkupa e parë, e vendosur padyshim nga ai, titulli i parë Scudetto, dhe këtë vit, Kupën e parë Italiane. Por kjo nuk është e tëra, ai gjithashtu përfundoi për herë të parë në Itali si golashënuesi më i mirë i ligës. Pastaj ishin rekordet e thyera – shumë prej tyre” kanë shkruar Juventusi në faqen e tyre zyrtare në Twitter.
La Juventus saluta @cristiano.
— JuventusFC (@juventusfc) August 31, 2021
