Paul Pogba pritet në Torino në orët në vijim dhe ka konfirmuar rikthimin e tij në Juventus në Instagram me një mesazh në italisht.
Ylli francez do të kthehet në Allianz Stadium si një transferim i lirë nga Manchester United. Është hera e dytë në karrierën e tij që ylli francez largohet pa para nga Old Trafford për t’iu bashkuar Juventusit.
Sipas Sky Sport Italia, ai do të ulet në aeroportin Caselle të Torinos në orën 16:00 me kohën lokale.
Pogba ka konfirmuar rikthimin e tij në klub me një video në Instagram.
Ai ka veshur një tuta bardh e zi dhe ka përdorur hashtagun #PogAlmostBack.
Watch until the end ⏰ #PogAlmostBack pic.twitter.com/NkJHaxUcA7
— Paul Pogba (@paulpogba) July 8, 2022
Ai foli edhe në italisht, duke thënë “Ci vediamo presto” që do të thotë “Shihemi së shpejti”.
Pogba ka të ngjarë t’i nënshtrohet testeve mjekësore nesër në mëngjes.
