Mbrojtësi i Milanit, Leo Duarte, i është bashkuar zyrtarisht İstanbul Başakşehirit me një marrëveshje të përhershme.
Kuqezinjtë kanë konfirmuar shitjen e mbrojtësit në faqen e tyre me një deklaratë zyrtare.
“AC Milan mund të konfirmojë se Léonardo Campos Duarte da Silva është bashkuar me Stamboll Başakşehir në baza të përhershme”, thanë kuqezinjtë.
“Klubi dëshiron t’i urojë Léo të gjitha më të mirat për të ardhmen në jetën e tij personale dhe profesionale.”
Duarte kaloi një sezon e gjysmë në huazim te klubi turk, duke grumbulluar 54 paraqitje me klubin.
Sipas Calciomercato.com, İstanbul Başakşehir nuk e aktivizoi opsionin e tyre prej 5.5 milionë euro për të blerë dhe arriti të negociojë një tarifë më të ulët me kampionët e Serisë A.
Duarte ishte transferuar në Stadio Meazza me një marrëveshje të përhershme prej 10 milionë eurosh nga Flamengo në vitin 2019, por kishte vështirësi me kohën e lojës, duke mbledhur vetëm nëntë paraqitje në të gjitha garat me rosonerët.
Milani ende po planifikon të nënshkruajë me një qendërmbrojtës të ri në verë, pasi humbi Sven Botman i cili i është bashkuar Newcastle.
Japhet Tanganga, Abdou Diallo dhe Francesco Acerbi janë lidhur me një lëvizje në Stadio Meazza gjatë verës.
