Tre persona janë plagosur nga arma e zjarrit në rrugën “Muharrem Fejza” në Prishtinë, në mbrëmjen e së premtes rreth orës 23:15, shkruan Gazeta Sinjali.
Të plagosurit janë dërguar në QKUK për trajtim të mëtutjeshëm.
Lajmin për Gazetën Sinjali e ka konfirmuar Agron Borovci, zëdhënësi i Policisë për rajonin e Prishtinës, si dhe ka njoftuar se lidhur me rastin është identifikuar një i dyshuar.
“Ndërlidhur me rastin, deri më tani policia ka identifikuar së paku një person të dyshuar, ndërkaq ka nisur një hetim për sqarimin e të gjitha rrethanave që karakterizojnë ngjarjen“, ka thënë ai.
Gazeta Sinjali ka kontaktuar edhe me shefin e ndërrimit në Qendrën Emergjente në QKUK, Naser Syla.
“Tre persona kanë mbetur të plagosur nga arma e zjarrit dhe janë duke marrë tretman mjekësor në Qendrën Emergjente. Ata janë pranuar para 20-30 minutash”, ka njoftuar ai.
