Trajneri i Barcelonës, Xavi, ka hedhur poshtë sugjerimet që Frenkie de Jong mund t’i bashkohet Manchester United.
Raportet në Spanjë pretendojnë se mesfushori mund të ribashkohet me ish-trajnerin e tij të Ajax Erik ten Hag në Old Trafford këtë verë.
Xavi thotë se holandezi është një lojtar vendimtar për skuadrën e Camp Nou dhe shpreson se ai do të qëndrojë te Barca për shumë vite.
“Nuk kam folur me të për të ardhmen e tij”, tha Xavi në një konferencë për shtyp. “Ai po luan në një nivel shumë të mirë dhe duhet të vazhdojë këtu – ai mund të jetë një nga mesfushorët më të mirë në botë për vitet në vijim.
“Nëse do të ishte në dorën time, do të vazhdoja këtu edhe për shumë vite, ai është shumë i rëndësishëm dhe mund të shënojë një epokë këtu. Ai duhet të shënojë, të asistojë dhe të jetë protagonist”, deklaroi spanjolli.
De Jong iu bashkua gjigantëve spanjollë nga Ajax në vitin 2019 dhe është zhvilluar në një figurë kyçe në klub.
24-vjeçari ka bërë 42 paraqitje në të gjitha garat këtë sezon, duke shënuar katër herë.
Kontrata e tij aktuale vlen deri në vitin 2026, por ai tha muajin e kaluar se do të angazhohej për një marrëveshje edhe më afatgjatë nëse Barça bën ofertën.
“Më pëlqen të jem në Barcelonë. Unë ndoshta do të nënshkruaja një zgjatje të kontratës gjashtëvjeçare nëse ata do të më propozonin, po”, kishte deklaruar ai.
