image Chelsea hyn në garë për De Jong - Sinjali

Chelsea hyn në garë për De Jong

news image

Chelsea ka hyrë në garë për shërbimet e mesfushorit të Barcelonës, Frenkie de Jong, sipas raporteve nga Spanja.

Manchester United ka qenë tash e sa kohë e interesuar për shërbimet e yllit holandez, mirëpo dy klubet nuk kanë gjetur asnjëherë marrëveshjen.

17 milionë raportohet se është diferenca e parave sa kërkon Barcelona, në krahasim me ofertën e United.

Megjithatë, ‘djajtë’ tani mund të rrezikojnë ta humbin futbollistin, pasi skuadra rivale, Chelsea ka hyrë në garë për shërbimet e tij.

Lajmin e ka dhënë gazetari i njohur Gerard Romero, i cili ka theksuar se Chelsea është e interesuar për De Jong dhe mund t’ia rrëmbejë lojtarin skuadrës së United.

Përveç kësaj, Barcelona po i kërkon dy mbrojtësit e Chelseas, Cesar Azpilicueta dhe Marcos Alonso, kësisoj De Jong mund të përfshihet në ndonjë marrëveshje.

/GazetaSinjaliSport/


Shpërndaje artikullin

Etiketat kryesore: