image Chelsea i bën ofertë të re Barcelonës për De Jong

Futboll

Chelsea i bën ofertë të re Barcelonës për De Jong

news image

Chelsea dhe Barcelona tashmë po përpiqen të mbyllin transferimin e Frenkie de Jong te klubi londinez dhe në operacion do të përfshihej edhe anësori Marcos Alonso.

‘Diario Sport’ raporton se klubi londinez ka nisur tashmë një ofertë prej rreth 70 milionë euro plus mbrojtësin e majtë për Frenkie dhe janë të bindur se mund të arrihet një marrëveshje, edhe pse vetë futbollisti duhet të bindet.

Në rast se De Jong nuk dëshiron të shkojë te Chelsea, klubi anglez do të shesë Marcos Alonson për më pak se dhjetë milionë te Barça.

Marcos Alonso është në pritje të një marrëveshjeje mes klubeve, e cila mund ose nuk mund të lidhet me transferimin e De Jong. Në rast se holandezi nuk shkon në Londër, Chelsea dhe Barça do të tentojnë të mbyllin operacionin e pastër dhe të thjeshtë të transferimit për një shifër më pak se 10 milionë euro.

/GazetaSinjaliSport/