image Qytetari pretendon se motra i vdiq si pasojë e helmimit me ushqim në Trudë të Prishtinës - Sinjali

Qytetari pretendon se motra i vdiq si pasojë e helmimit me ushqim në Trudë të Prishtinës

news image

Lavdim Shala, vëllai i Hajrie Shalës, e cila u varros këtë të martë, ka thënë se e motra ka ndërruar jetë si pasojë e helmimit me ushqim, rreth një muaj më parë, në fshatin Trudë të Prishtinës.

Ai ka theksuar se Hajrie Shala nuk ka qenë duke vuajtur nga ndonjë sëmundje, madje as nuk ka qenë e infektuar me COVID-19.

“Dyshojmë që edhe mjekët edhe ne që shkaktar ka qenë helmimi. Motra e ka pasë një intervenim kirurgjik të enjten. Gjendja ka qenë e rëndë me dëmtim të rëndë të zorrëve. Ka qenë në gjendje të rëndë. Ka pasë helmim në të gjithë trupin.”

“Para një muaji kemi pasë të pame në familje. Kanë qenë të helmuar edhe 80 persona të tjerë, të cilët kanë pasur simptoma të helmimit. 99 për qind shkaktar i vdekjes së motrës është helmimi”, thotë ai për Klan Kosova./Gazeta Sinjali/


Shpërndaje artikullin

Etiketat kryesore: