Policia e Kosovës ka arrestuar dje djalin e Rifat Jasharit, Fazli Jasharin, nën dyshimin se ka sulmuar fizikisht ish të dashurën e tij, shkruan Gazeta Sinjali.
Sinjali ka mësuar nga burimet brenda Prokurorisë Themelore në Prishtinë se si ndodhi ngjarja në detaje.
Dje rreth orës 07:45, një femër me inicialet A.E.,(emër i njohur për redaksinë) 31-vjeçare ka raportuar në Policinë e Kosovës se ish i dashuri i saj, Fazli Jashari kishte shkuar të banesa e saj në lagjen Emshir dhe e kishte sulmuar fizikisht.
Burimet brenda Prokurorisë konfirmuan se A.E., ish e dashura e Fazli Jasharit ka deklaruar se ai vazhdimisht kishte ushtruar dhunë fizike ndaj saj.
Posa Policia ka arritur në vendin e ngjarjes në ditën e djeshme, kanë njoftuar Emergjencën, për t’ia dhënë ndihmën e parë 31-vjeçares.
Fazli Jashari është intervistuar dhe është dërguar në mbajtje, nën dyshimet për lëndim të lehtë trupor.
