Gazeta Sinjali pak më parë raportoi se është gjetur një person pa shenja jete në rrugën “Fazli Grajçevci” në Prishtinë.

Lajmin për Gazetën Sinjali e ka konfirmuar zëdhënësi i policisë për rajonin e Prishtinës, Agron Borovci, i cili tha se viktima është një person i gjinisë mashkullore rreth 70-vjeçar dhe se trupi i pajetë i tij u gjet në një lokal.

“Policia ka dalë në vendin e ngjarjes po ashtu edhe ekipi mjekësore emergjente e cila ka konstatuar se trupi i një mashkulli rreth 70-vjeç është pa shenja jete. Aktualisht janë duke u ndërmarrë të gjitha veprimet e nevojshme për të zbardhur rrethanat që e karakterizojnë rastin”, tha Borovci./Gazeta Sinjali/