Instituti Hidrometeorologjik i Kosovës (IHMK) njofton se sot dhe nesër, situata meteorologjike do të jetë e ngjashme me ditët e fundit.

Sot në fushat termike nuk parashihet ndryshim, por që një sistem i vranësirave të dendura parashihet të krijohet gjatë pjesës së dytë të ditës dhe si rezultat i këtij procesi fizik, pritet të ketë reshje shiu të përcjellura me shkarkime rrufesh.

Reshjet më intensive parashihen në perëndim dhe veriperëndim të vendit, kurse pjesët tjera do të kenë më pak reshje, sidomos jugu dhe juglindja e vendit, ku mund të ketë vetëm riga të izoluara shiu, derisa një pjesë e madhe e këtij territori nuk do të kenë fare reshje.

“Temperaturat minimale do të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 20-26 gradë Celsius”, thuhet në njoftimin e IHMK-së.

Ky institut po ashtu parasheh se do të fryjë erë nga drejtimi i juglindjes me shpejtësi 1-7m/s në Rrafshin e Kosovës, ndërkaq në pjesën e Rrafshit të Dukagjinit shpejtësia e erës do të arrijë deri në 14m/s./Gazeta Sinjali/