Instituti Hidrometeorologjik i Kosovës ka paralajmëruar se gjatë pesë ditëve të ardhshme, situata meteorologjike do të jetë pothuajse e njëjtë, raporton Gazeta Sinjali.

Sipas IHMK-së, kjo gjendje meteorologjike do të vazhdojë edhe gjatë dhjetë ditëve të para të muajit korrik.

“Të premten parashihet të ketë ulje të përkohshme në fushat barike, por edhe në ato termike dhe për pasojë pritet ndryshim i përkohshëm i motit, i cili parashihet të shoqërohet me riga shiu dhe shkarkime rrufesh”, thuhet në njoftimin e IHMK-së.

Meteorologët parashikojnë që temperaturat minimale do të lëvizin ndërmjet 15-18 gradë Celsius, ndërsa maksimalet e ditës parashihen të lëvizin ndërmjet 31-37 gradë Celsius.

Do të fryjë erë nga drejtimi i verilindjes dhe jugperëndimit me shpejtësi 1-11 m/s./Gazeta Sinjali/