image Paraqitja fantastike e Bajramit ndaj Milanit merr vëmendjen nga shtypi italian - Sinjali

Paraqitja fantastike e Bajramit ndaj Milanit merr vëmendjen nga shtypi italian

news image

Nedim Bajrami ka shkëlqyer në ndeshjen e djeshme ndaj Milanit.

Mesfushori shqiptar arriti që të shënonte një super gol, fitoi penalltinë e kthyer në gol dhe goditi traversën.

Në të gjitha mediat prestigjoze italiane, Bajrami kishte vlerësimin më të lartë.

“Gazzetta dello Sport” shkon përtej momenteve kulminante: “Bën ndeshje inteligjente radhazi”.

Ndërkohë për “Coriere dello Sport”, është disi më ndryshe: “Nxori një kartë të fortë që do ta mbahet mend gjatë, ishte i pafat në traversën”.

“Tuttomercatoweb” tregon rritjen e dukshme të Bajramit, ndërsa hedh hipotezën: “Do të jetë në qendër të merkatos”.

“Corriere della Sera” vjen me përkufizimin më të bukur: “Po qëndis futbollin, në çdo prekje ka një ide. Talent i vërtetë”. /Gazeta Sinjali Sporti/


Shpërndaje artikullin