Sipas raportimeve në Itali, Milani do të ngrit ofertën e tyre për Club Brugge për të nënshkruar Charles De Ketelaere pas një takimi me agjentin e lojtarit.
Reprezentuesi belg është objektivi kryesor i kuqezinjve në sulm, por oferta e tyre fillestare prej 20 milionë euro plus bonuset u refuzua nga Club Brugge.
Skuadra belge ka marrë një ofertë prej 30 milionë euro nga Leeds, kështu që kuqezinjve u është thënë se duhet të paktën të përputhen me ofertën nga Premier League.
Gazzetta dhe Sky Sport Italia e përshkruajnë ofertën e parë të Milanit si ‘eksploruese’ dhe pretendojnë se kuqezinjtë së shpejti do të përputhen me ofertën e Leeds. Sipas Tuttosport, sulmuesi 19-vjeçar i Milanit, Emil Roback mund të përfshihet në marrëveshje.
Drejtorët kuqezi takuan agjentin e De Ketelaere këtë javë duke marrë dritën jeshile nga lojtari për t’u bashkuar me klubin.
Hakim Ziyech i Chelseat mbetet një opsion për kampionët e Serisë A, por De Ketelaere kryeson listën e tyre të blerjeve, kështu që ata së pari do të përpiqen të nënshkruajnë me 21-vjeçarin.
Të dy lojtarët ende mund të transferohen në Stadio Meazza pasi marokeani mund të largohet nga Chelsea në huazim me një opsion për të blerë.
