Milani thuhet se është ende i etur për nënshkrimin e Marco Asensios nga Real Madrid, veçanërisht pasi humbi talentin e Lille Sven Botman.
Kuqezinjtë nuk arritën të përputheshin me shifrat e kërkuara nga pala franceze dhe përfundimisht qendërmbrojtësi holandez nuk mundi të priste më, duke vendosur të pranonte më në fund ofertën e Newcastle United. Klubi milanez tani po shqyrton një ndryshim në strategjinë e tregut të transferimeve me afrimin e hapjes së dritares.
Siç raportohet nga Corriere dello Sport, drejtori i Milanit, Paolo Maldini e di se një lojtar cilësor është i nevojshëm këtë verë dhe ai ende po vëzhgon nga afër situatën e Asensios me Real Madridin.
“Los Blancos” duan rreth 30 milionë euro për sulmuesin 26-vjeçar spanjoll, kontrata e të cilit skadon në Madrid vitin e ardhshëm dhe vetë lojtari kërkon një pagë prej rreth 6 milionë euro, shifra që duken mjaft të papajtueshme me strategjinë aktuale të kuqezinjve.
Asensio shënoi 12 gola dhe dha dy asistime në 42 paraqitje në të gjitha garat sezonin e kaluar nën drejtimin e Carlo Ancelotti.
