image Milani ngrit ofertën për De Ketelaeren, marrëveshja mund të mbyllet në 48 orët e fundit

Futboll

Milani ngrit ofertën për De Ketelaeren, marrëveshja mund të mbyllet në 48 orët e fundit

news image

Charles De Ketelaere duket se është vetëm një hap larg bashkimit me Milanin, pasi Club Brugge thuhet se përgatitet të pranojë ofertën më të fundit.

Kuqezinjtë u takuan dje me homologët e tyre belgë në Lugano të Zvicrës për të provuar të arrinin një marrëveshje për sulmuesin 21-vjeçar belg, i cili është jashtëzakonisht i etur për lëvizjen në Lombardi.

Siç raportohet nga Calciomercato.com, dyshja e Milanit, Paolo Maldini dhe Frederic Massara e ngritën ofertën e tyre në 32 milionë euro plus 3 milionë euro shtesë për De Ketelaere dje. Club Brugge kishte kërkuar një tarifë të sheshtë prej 35 milionë euro, por ata mesa duket kanë ndryshuar mendje dhe kanë vendosur të pranojnë ofertën e kuqezinjve.

Marrëveshja thuhet se do të mbyllet gjatë 48 orëve të ardhshme dhe De Ketelaere mund të jetë në dispozicion të Stefano Pioli deri të premten.

Është raportuar se nëna e belgut tashmë ka vizituar Milanin për të provuar të gjejë një shtëpi për djalin e saj dhe ai tashmë ka rënë dakord për lëvizjen, i etur për t’u bashkuar me klubin.

/GazetaSinjaliSport/