Cak i hajnave shumë herë kanë qenë dhe vazhdojnë të jenë veturat, të cilat qytetarët nuk po kanë siguri t’i lënë askund. Një rast i tillë i vjedhjes është raportuar të ketë ndodhur dje në Ferizaj, raporton Gazeta Sinjali.
Sinjali mëson se rastin në Polici e ka denoncuar një 27-vjeçar, i cili ka deklaruar se ditën e 3 tetorit rreth orës 11:30 e ka parkuar veturën e tij në rrugën “Riza Goga”, por të njëjtën nuk e ka gjetur aty të nesërmen.
Momentalisht nuk ka të dyshuar, teksa janë ndërmarrë të gjitha veprimet e nevojshme hetimore për të zbardhur rrethanat se si ka ndodhur rasti.
Me urdhër të Prokurorit të Shtetit, rasti është cilësuar si “Vjedhje”.
