Lazio nuk ka asnjë interes për të shitur sulmuesin e tyre, Ciro Immobile dhe lojtari do të marrë një kontratë të re gjatë muajve të ardhshëm, sipas një raporti nga mediat italiane Calciomercato.

Raporti detajon se si sulmuesi 30-vjeçar italian, i cili ka kontratë me Biancocelesti deri në vitin 2023, është forca lëvizëse prapa sfidës së pabesueshme për titullin e skuadrës romake këtë sezon nën trajnerin Simone Inzaghi.

Presidenti Claudio Lotito e kupton rëndësinë e Immobile dhe  ka vendosur çmimin të lartë për të, 60 milion €.

Lotito është duke rregulluar që një kontratë e re t’i jepet Immobile, raporti vazhdon. Marrëveshja do të zgjasë deri në vitin 2025 dhe paga e lojtarit do të rritet përmes shpërblimeve të mundshme. Këto janë të lidhura me numrin e golave, kualifikimin e Champions League dhe fitimin e ligës.

Vetë Immobile është i lumtur që qëndroi. Lojtari bëri 33 paraqitje në të gjitha garat e deritanishme këtë sezon, për gjithsej 2695 minuta.

Ai ka shënuar 30 gola dhe ka siguruar shtatë asistime./Gazeta Sinjali/