Rreth orës 17:00 është raportuar për një mjet të dyshuar eksploziv në një autobus në fshatin Llapushnik të Drenasit, shkruan Gazeta Sinjali.
Zëdhënësi i Policisë për rajonin e Prishtinës, Bajram Krasniqi për Gazetën Sinjali ka njoftuar se kanë arritur ta largojnë nga autobusi një sasi lënde që dyshohet të jetë shpërthyese.
Pas kësaj njësitet e hetuesisë kanë filluar të merren me rastin.
“Njësia për trajtim të materieve shpërthyese e PK-së, ka arritur të largojë nga autobusi një sasi lënde që dyshohet të jetë shpërthese.
Në koordinim me prokurorin është inicuar rasti ‘shkaktim i rrezikut të përgjithshëm’ dhe ‘mbajtje në pronësi, kontroll apo posedim i paautorizuar i armës’.
Njësitet e hetuesisë më pas do të merren me hetimet për të ndriçuar këtë rast”, thuhet ndër të tjera në njoftimin e Policisë.
