Një ish-gardian i Burgut të Dubravës është arrestuar nga Policia në Istog, i dyshuar për pjesëmarrje në krime të luftës kundër popullsisë civile, konkretisht në masakrën e Dubravës.
Gazeta Sinjali, mëson se i arrestuari është 64 vjeçari Gavrilo Milosavljeviq nga Istogu, i shpërngulur pas luftës në Komunën e Beogradit.
Derisa thuhet se ai në Istog kishte ardhur për t’u interesuar për pronën e tij.
Policia ka njoftuar se pas intervistimit nga policia, me urdhër të prokurorit të Prokurorisë Speciale është lëshuar aktvendim për arrestim dhe ndalim policor në kohëzgjatje prej 48 orësh.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
