Gazeta Sinjali raportoi sot për një tentim vrasje me breshëri plumbash që ka ndodhur pasditen e djeshme në fshatin Shkozë të Malishevës, ku dy persona kishin shtënë me 20 plumba në drejtim të një personi tjetër.

Burimet brenda Prokurorisë Themelore në Gjakovë i kanë thënë Sinjalit se të dyshuarit të cilët u arrestuan për këtë rast janë vëllezërit Leotrim dhe Esat (Tahir) Bytyqi.

Vëllezërit Bytyqi me vendim të prokurorit, janë dërguar në mbajtje për 48 orë.

Në vendin e ngjarjes, Policia njoftoi se ka gjetur dhe ka sekuestruar 20 gëzhoja.

Lidhur me rastin është njoftuar edhe prokurori, i cili ka siguruar urdhëresën për kontroll.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./Gazeta Sinjali/