Tre persona kanë rënë në prangat e Policisë së Kosovës, pasi që dyshohet se ka therur me thikë një 21-vjeçar, sonte rreth orës 20:00 në lagjen “Emshir” në Prishtinë, shkruan Gazeta Sinjali.

Gazeta Sinjali mëson se personat e arrestuar janë Besim, Arif dhe Ukë Lokaj nga Deçani.

Burime të Gazetës Sinjali bëjnë të ditur se ata janë arrestuar në Fushë Kosovë dhe se në momentin e arrestimit kanë qenë të tre në një veturë.

Gazeta Sinjali pak më parë raportoi se 21-vjeçari i plagosur në këtë rast është Albin Binakaj nga fshati Drenoc i Deçanit, i cili është duke u trajtuar në QKUK.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata./Gazeta Sinjali/