Policia e Kosovës ka njoftuar se të dielën rreth orës 14:00 ka arrestuar një person në Gjakovë, pasi që i njëjti dyshohet se ka dhunuar një femër e cila ishte raportuar si e zhdukur, shkruan Gazeta Sinjali.

Siç bën të ditur policia përmes raportit 24 orësh, me vendim të prokurorit i dyshuari është dërguar në mbajtje, ndërsa viktima është dërguar në ekzaminim mjekësor.

Bazuar në raportin e PK-së, Gazeta Sinjali ka raportuar gjatë ditës së djeshme se një i dyshuar ka futur me forcë një grua në veturën e tij, pasditën e së shtunës rreth orës 19:00, në rrugën “UÇK” në Gjakovë./Gazeta Sinjali/