Ish-kryeministri i Kosovës, Avdullah Hoti ka shprehur ngushëllime për familjen e policit të vrarë, Lirim Haxholli.
Hoti ka thënë se kjo është ngjarje e rëndë dhe e dhimbshme për të gjithë dhe ka kërkuar që rrethanat e ngjarjes të zbardhen sa më parë.
“Ngushëllimet më të sinqerta për familjen e oficerit policor Lirim Haxholli dhe kolegët e tij në polici. Ngjarje e rëndë dhe e dhimbshme për familjen, të afërmit, bashkëpunëtorët. Rrethanat e ngjarjes duhet të zbardhen sa më parë”, ka shkruar ai në një postim në profilin e tij në Facebook.
