Sulmuesi i Milanit, Olivier Giroud, është thirrur për dy ndeshjet e ardhshme të Francës kundër Austrisë dhe Danimarkës.
Fituesi i Kupës së Botës të Francës 2018 bëri paraqitjen e tij të fundit me “Les Blues” në mars 2022, duke humbur katër ndeshjet e fundit të Ligës së Kombeve në qershor.
Ai ka shënuar 48 gola në 112 ndeshje me kombëtaren e tij, tre më pak se golashënuesi më i mirë i të gjitha kohërave i Francës, Thierry Henry, të cilin do të synojë që ta thyej nëse realizon mbi tri gola në këto dy paraqitje.
Giroud ka shënuar katër gola në tetë paraqitje në të gjitha garat me Milanin këtë sezon, duke shënuar golin e tij të parë në Champions League me kuqezinjtë kundër Dinamo Zagrebit dje.
Trajneri i Francës, Didier Deschamps, thirri edhe shokun e skuadrës së Giroud, Theo Hernandez dhe mesfushorin e Juventusit, Adrien Rabiot, edhe pse ky i fundit ka munguar në dy ndeshjet e fundit me Zonjën e Vjetër për shkak të një dëmtimi.
Giroud iu bashkua Milanit në një transferim të lirë nga Chelsea në verën e vitit 2021, duke nënshkruar një kontratë deri në qershor 2023. Marrëveshja e Rabiot me Juventusin gjithashtu përfundon në fund të sezonit.
