Ekipet mjekësore të Aeroportit Ndërkombëtar i Prishtinës “Adem Jashari” kanë kontrolluar të gjithë udhëtarët e ardhur sonte nga Verona e Italisë, sipas protokoleve të OBSH dhe ECDC dhe te asnjëri nga udhtarët nuk janë vërejtur shenja klinike të sëmundjes.

Ky kontroll u bë në bashkëpunim me Qendrën Kryesore të Mjekësisë Familjare në Obiliq, Inspektoratin Sanitar të Agjensionit të Ushqimit dhe Veterinës, të mbështetur nga ekipi i Institutit Kombëtar të Shëndetësisë Publike.

Pas kontrollit, udhëtarët janë këshilluar:

1. Të qëndrojnë në shtëpitë e veta;
2. Të evitojnë kontaktet e afërta me persona;
3. Të evitojnë pērshëndetjen me shtrëngimin e duarve;
4. Të mbajnë higjienën personale dhe larjen e duarve.
5. Në rast të shfaqjes së temperaturës, kollitjes apo vështërsive në frymëmarrje duhet të paraqiten te mjeku i familjes me historikun e udhtimit./Gazeta Sinjali/