Sulmet fizike me të cilat përballen të rinjtë janë të shpeshta në vendin tonë. Kjo është shndërruar në një dukuri shqetësuese duke u rrezikuar kështu siguria publike, raporton Gazeta Sinjali.
Mbrëmë rreth orës 22:00 në rrugën ‘Jakovë Xoxa’ në Prishtinë, një person dyshohet se është sulmuar nga dy të tjerë.
Sinjali mëson se 19-vjeçari ishte duke ecur rrugës në momentin që u sulmua nga dy të dyshuarit, njërin prej të cilëve ka arritur që ta identifikojë me emër dhe mbiemër.
Me urdhër të prokurorit, rasti është iniciuar ‘Lëndim i lehtë trupor’, ndërsa veprimet tjera ligjore do merren kur të arrestohen të dyshuarit.
