Ndotja e ajrit në Kosovë gjatë viteve të fundit ka qenë njëra ndër problemet kryesore, shkruan Gazeta Sinjali.

Përveç ndotjet që shkaktohen nga veturat e mbindërtimet, një faktor tjetër që po kontribuon në këtë është edhe djegia e deponive të mbeturinave.

Një rast i tillë ka ndodhur sot në Gjakovë, prapa objektit të ETC-së, ku nga një video dhe disa fotografi të dërguar nga sinjalizuesit e Gazetës Sinjali, shihet se flaka është përhapur në të madhe.

Gazeta Sinjali ka kontaktuar edhe me Policinë e Kosovës për të pyetur rreth këtij rasti.

Zëdhënësi i policisë për rajonin e Gjakovës, Nysret Xhurkaj ka thënë se zjarri është ndezur nga disa persona dhe se nuk ka pasur asnjë dëmë.

“Rasti është i vërtetë. Zjarri është ndezur në një deponi të mbeturinave nga disa persona. Nuk ka pasur asnjë dëmë lidhur me këtë“, ka thënë Xhurkaj./Gazeta Sinjali/