Një 14 vjeçar humbi jetën në një vetaksident trafiku në fshatin Sallagrazhdë të Suharekës. Ai ishte bashkë me dy fëmijë të tjerë, kur vetura me të cilën po udhëtonin u rrokullis, duke i shkaktuar atij plagë vdekjeprurëse, ndërsa dy fëmijëve të tjerë lëndime të rënda trupore.

Policia njofton se trupi i pajetë i 14-vjeçarit është dërguar për obduksion në Institutin e Mjekësisë Ligjore në Prishtinë.

Ndërkaq, dy fëmijët e tjerë të lënduar janë dërguar për trajtim mjekësor në Spitalin e Prizrenit./GazetaSinjali/