Një person i mitur në fshatin Hajvali të Prishtinës ka përfunduar në spital mbrëmë si pasojë e lëndimeve që ia shkaktoi një i rritur i cili dyshohet se për motive ende të panjohura e ka sulmuar fizikisht, raporton Gazeta Sinjali.
Burimet e Gazetës Sinjali brenda Emergjencës kanë bërë me dije se i mituri është dërguar atje për ndihmë mjekësore pasi kishte lëndime trupore të cilat i ishin shkaktuar nga dhuna.
Ndërkohë rasti është denoncuar edhe në Polici, me ç’rast është arritur që të arrestohet i dyshuari 35-vjeçar i cili më pas u shoqërua në stacion policor për intervistim.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit në kohëzgjatje prej 48 orësh dhe i njëjti të hetohet nën dyshimet për kryerjen e veprës penale ‘Lëndim i lehtë trupor’.
