Këngëtarja e njohur shqiptare tanimë me famë botërore Ava Max, është shfaqur në ballinën e të përditshmes amerikane “The New York Times”, si njëra nga artistet që ka thyer barrierat me këngët e saj në vitin 2019.

Gazeta “The New York Times” ka renditur 54 këngët më të mira të vitit, ku në mesin e të cilave bën pjesë edhe kënga “Sweet But Psycho” e artistes shqiptare Ava Max, e cila renditet në pesë këngët më të mira të zhanrit pop, transmeton Gazeta Sinjali.

Këtë e ka bërë të ditur vetë Ava, përmes një postimi të publikuar në profilin e saj në rrjetin social Instagram.

“Faleminderit @nytimes. Më duket aspak reale të jem në një faqe me dy artistët e mi të preferuar, të cilët janë duke bërë punë të mrekullueshme, e që i admiroj. Kam filluar punën para 15 vjetëve dhe nuk jam ndalur që atëherë. Rrugëtimi ishte i vështirë dhe ende është. Megjithatë unë vetëm sa kam filluar (nëse nuk e keni bezdi…nuk e kam lansuar ende albumin tim debutues!!!) Ju dua. 2020 do të jetë vit më i mirë dhe muzika pop po kthehet më mirë se asnjë herë më parë”, ka shkruar ajo në gjuhën angleze.

Kujtojmë se “Sweet But Psycho” është publikuar në muajin gusht të 2018-ës dhe deri më tani numëron mbi 479 milionë klikime në kanalin YouTube./Gazeta Sinjali/