image Ata që dëshirojnë ta dëgjojnë muzikën e tij mund ta dëgjojnë në Serbi, reagon Capital T - Sinjali

Ata që dëshirojnë ta dëgjojnë muzikën e tij mund ta dëgjojnë në Serbi, reagon Capital T

news image

Capital T ishte i ftuar që të përformonte në hapjen e evenimentit të Festës së Birrës në Korçë, mirëpo për shkak të ftesës së artistit serb Goran Bregoviç, ai ka anuluar përformancën e tij.

Ai u kërkoi falje fansave të tij për anulimin e përformancës së tij.

Gjithashtu i bëri thirrje Bashkësisë së Korçës që ta anulojnë përformancën e artistit serb.

Postimi i plotë i Capital T :

“Përshëndetje të gjithëve, shpresoj që jeni mirë. E ndjeva të rrugës të reagoj për eventin e Festës së Birrës në Korçë për shkak se isha i ftuar të bëj hapjen e atij evenimenti dhe realisht isha shumë i lumtur të jem aty afër njerëzve që e duan muzikën dhe prezencën time aty.

Por kur pashë se një artist serb siç është Goran Bregovic prej të cilit janë inspiruar forcat serbe dhe i kanë kënduar këngët e tij gjatë luftës në Kosovë, atëherë u detyrova të anuloj performancën time.

Ju kërkoj falje të gjithë atyre që ndoshta e kishin shijuar atë moment bashkë me mua aty edhe iu bëj thirrje Bashkisë së Korçës absolutisht ta anulojnë prezencën e tij në Shqipëri për faktin se konflikti Kosovë-Serbi është ende i hapur dhe nuk i takon komunës së Korçës si institucion shtetëror që ta sjell një artist serb në këtë kohë në Shqipëri.

Gjithë ata që dëshirojnë ta dëgjojnë muzikën e tij mund të shkojnë ta dëgjojnë në Serbi”. 

Këtu mund ta shikoni videon.

/Gazeta Sinjali/


Shpërndaje artikullin

Etiketat kryesore: