Një zyrtar policor dhe një qytetar janë arrestuar në Prishtinë pasi Inspektorati Policor i Kosovës ka kryer një aksion.

Rastin për Gazetën Sinjali e ka konfirmuar zëdhënësi i Inspektoratit Policor të Kosovës, Arbër Beka, i cili ka thënë se zyrtari policor është arrestuar nën dyshimin se ka marrë ryshfet.

“Ajo çka mundem me e konfirmu është që IPK në orët e mbrëmjes ka ndodhur nja aksion ku janë arrestuar një zyrtar policor dhe një qytetar. Zyrtari policor është arrestuar për dyshimin e marrjes së ryshfetit dhe keqpërdorimit të autoriteti zyrtar” ka thënë Arbër Beka. /Gazeta Sinjali/