Një aksident trafiku mes një automjeti dhe një motoçiklete ka ndodhur sot në Prishtinë, shkruan Gazeta Sinjali.

Si pasojë e këtij aksidenti ka mbetur i lënduar drejtuesi i motoçikletës.

Aksidenti ka ndodhur në rrugën ‘Edmond Hoxha’ rreth orës 09:00.

Lajmin për Sinjalin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Sot rreth orës 09:00 në rrugën “Edmond Hoxha” në Prishtinë, ka ndodhur një aksident rrugor në mes të një automjeti dhe një motoçiklete. Si pasojë lëndime trupore ka pësuar drejtuesi i motoçikletës. Me rastin po merret njësiti i trafikut”, ka thënë ajo. /Gazeta Sinjali/