Agjenti i mbrojtësit të Bayer Leverkusenit, Piero Hincapié, konfirmon ‘interesimin nga Milani’, pas thashethemeve të Napolit dhe Tottenham Hotspurit, por nuk ka asnjë qëllim real të largohet nga Gjermania.
Reprezentuesi i Ekuadorit është vetëm 20 vjeç, por tashmë ka 19 paraqitje për kombëtaren e tij dhe është blerë nga Talleres në verën e vitit 2021 për 6.35 milionë euro.
Kryesisht një qendërmbrojtës, por gjithashtu i aftë për të luajtur në krahun e majtë, ai ka qenë gjithashtu i lidhur me Napolin dhe Tottenham Hotspur në muajt e fundit.
“Piero është shumë i lumtur në këtë moment në Bayer Leverkusen dhe në përgjithësi në Gjermani”, tha agjenti Manuel Sierra për stopandgoal.com.
“Mund të konfirmoj se ka interes për të nga Milani, por për momentin ai po flet me Bayerin për të kuptuar se si ata mund të vazhdojnë të rriten së bashku”.
Nëse ai do të shitej këtë verë, çmimi i kërkuar prej 30 milionë euro do të kishte qenë shumë për Milanin ose Napolin në këtë moment, pasi kuqezinjtë e bënë të qartë se prioriteti i tyre është përforcimi i sulmit dhe mesfushës.
Tottenhami i Antonio Contes ishte i lidhur me një propozim të mundshëm prej 35 milionë euro për mbrojtësin e gjithanshëm, një alternativë ndaj zgjedhjeve të tyre të para, duke përfshirë qendërmbrojtësin e Interit, Milan Skriniar.
Hincapié bëri 33 paraqitje konkurruese për Bayer Leverkusen këtë sezon, duke shënuar dy gola dhe duke dhënë një asistim për shokët e tij.
