Telashet familjare shpesh herë kalojnë muret e shtëpive, për shkak të eskalimit të situatës ku nevojitet edhe ndërhyrja e Policisë. Një rast i tillë ka ndodhur edhe mbrëmë pak para mesnatës në një familje në Prishtinë, raporton Gazeta Sinjali.
Ndryshe nga siç ndodh rëndom, kësaj here viktimë e dhunës del të jetë kryefamiljari.
Sinjali mëson se një 58-vjeçar ka denoncuar bashkëshorten dhe djalin e tij në Polici, për të cilët ka deklaruar se ushtrojnë dhunë psikike sistematike ndaj tij.
Bazuar në dëshminë e viktimës, të dyshuarit vazhdimisht e ofendojnë dhe e shajnë me fjalë të rënda, madje djali i tij kishte tentuar edhe ta sulmojë fizikisht.
Dy të dyshuarit janë shoqëruar në stacion policor për intervistim dhe ndaj tyre është iniciuar rasti ‘Dhunë në familje’.
