Një fenomen mjaft shqetësues për qytetarët e Kosovës janë bërë vjedhjet e shpeshta nëpër vetura, banesa, shtëpi, institucione financiare, e dyqane, duke shkaktuar humbje e pasiguri. Një rast i tillë i vjedhjes së rëndë, ka ndodhur mbrëmë në rrugën “Kadri Zeka” në Ferizaj, raporton Gazeta Sinjali.
Sinjali ka mësuar se pronari i një veture e ka raportuar rastin në Polici, nën dyshimet se hajnat i thyen xhamin e veturës në vendin ku kishe parkuar dhe i vodhën një çantë të cilën e kishte lënë në veturë.
Burimet e Sinjalit kanë bërë të ditur se rasti u zbulua pas denoncimit të viktimës, i cili para hetuesve policorë ka rrëfyer se si e gjeti xhamin e thyer kur u kthye për ta marrë veturën.
Si rezultat i denoncimit, me urdhër të Prokurorit të Shtetit është iniciuar rasti “vjedhje e rënde” dhe kanë nisur hetimet për identifikimin e të dyshuarve.
