Njëmbëdhjetë veteranë dhe invalidë të Ushtrisë Çlirimtare të Kosovës do të paraqiten nesër para Gjykatës Themelore në Prishtinë, shkruan Gazeta Sinjali.

Ata po akuzohen për organizimin e një proteste në gusht të 2015-ës.

Lajmin e ka bërë të ditur Xhevdet Qeriqi, njëri nga organizatorët e protestës, i cili tha se përmes këtij organizimi ata kishin kërkuar të drejtat ligjore për kategoritë e dala nga lufta.

“Pjesë e Aktakuzës, jemi njëmbëdhjetë, veteranë dhe invalidë të UÇK- së. Pra, ne të gjithë akuzohemi për organizimin e ‘Protestës të Veteranëve’ e cila ishte mbajtur në Prishtinë, ku përmes atij organizimi, ne i kërkonim të drejtat ligjore për kategoritë e luftës të UÇK-së. Pra, saktësisht bëhet fjalë për protestën e gushtit të vitit 2015“, ka shkruar ai ndër të tjera në Facebook./Gazeta Sinjali/