Javën e kaluar ka filluar vaksinimi kundër gripit sezonal në Kosovë, raporton Gazeta Sinjali.
Policia e Kosovës, përmes një njoftimi zyrtar në Facebook, ka bërë të ditur se nga dita e martë edhe zyrtarët e këtij institucioni janë duke u vaksinuar.
Ndërsa, vaksinimi do të vazhdojë deri më 22 dhjetor të këtij viti.
Ky është njoftimi i plotë:
Vaksinimi kundër gripit sezonal.
Drejtoria e Shërbimeve Shëndetësore e Policisë së Kosovës (PK), që nga data 08.12.2020, ka filluar dhe po vazhdon vaksinimin kundër gripit sezonal, për zyrtarët e PK-së. Ky vaksinonim po realizohet bazuar në rekomandimet e IKSHP-së dhe do të realizohet në të gjitha (tetë) Drejtoritë Rajonale Policore. Vaksinimi do të vazhdojë deri, më 22.12.2020.
