Ministri i Shëndetësisë, Armend Zemaj, ka deklaruar sot se Policia e Kosovës me meritë ka arritur të ketë besueshmërinë e lartë dhe situata e pandemisë, sipas tij, ka rikonfirmuar pse e meriton titullin e institucionit të cilit qytetarët i besojnë shumë.

Zemaj gjatë një vizite në Gjakovë është njoftuar me të arriturat dhe sfidat me të cilat po përballet policia në këtë rajon në kohë pandemie.

“Puna e Policisë së Kosovës është e pazëvendësueshme. Orari i zgjatur, kontakti i pareshtur me qytetarët për të zbatuar rekomandimet e luftimit dhe parandalimit të pandemisë, sollën pasoja. Nderim për Policinë e Kosovës”, ka shkruar ministri Zemaj në Facebook./Gazeta Sinjali/