Manchester United është mposhtur me rezultat 2:0 nga Watfordi i vendit të fundit, për të pësuar humbjen e pestë në Premier League këtë sezon pas vetëm 18 xhirove.

Pas fitoreve të mëdha kundër Tottenham dhe Manchester City, skuadra e Ole Gunar Solskjaer është nda fillimisht nga Evertoni me një barazim ndërsa tani është mposhtur 2-0 nga Watfordi.

Pjesa e parë u mbyllë pa gola, ndërsa fituesi u vendos menjëherë në pjesën e dytë.

Me të filluar pjesa e dytë, Watfordi i shënoi dy gola Manchester Unitedit për t’i marrë në fund pikët e plota.

Fillimisht shënoi Ismaila Sarr për 1-0 në minutën e 50-të pas një intervenimi amatoresk nga ana e Davide de Geas.

Katër minuta më vonë, Troy Deeney realizoi nga pika e bardhë për rezultatin përfundimtar 2-0. Me këtë humbje, United mbetet në pozitën e tetë në renditje me vetëm 25 pikë të grumbulluara.