image Goditje për United, Rashford do të mungojë "disa ndeshje"

Futboll

Goditje për United, Rashford do të mungojë “disa ndeshje”

news image

Manchester United ka konfirmuar se Marcus Rashford “do të jetë i padisponueshëm për disa ndeshje” në prag të ndeshjes së tyre në Europa League me Sevillan.

Reprezentuesi anglez çaloi gjatë fitores 2-0 të United në Premier League ndaj Evertonit të shtunën dhe zbriti direkt në tunel për të marrë trajtim. Pas ekzaminimeve të mëtejshme nga stafi mjekësor i klubit, ‘Djajtë e Kuq’ kanë lëshuar një deklaratë zyrtare ku konfirmojnë se Rashford do të mungojë në ndeshjen e parë të ndeshjes së tyre çerekfinale me Sevillan për shkak të një dëmtimi muskulor.

United nuk ka dhënë një afat kohor për rikuperimin e Rashford, por ai tani do të mungojë për të paktën “disa ndeshje”, gjë që vjen si një goditje e madhe për skuadrën e Erik ten Hag.

Rashford është golashënuesi më i mirë i United këtë sezon me 28 gola nga 47 paraqitje në të gjitha garat.

Bruno Fernandes është i radhës në listë me 10, ndërsa i huazuari i Burnley-t, Wout Weghorst, ka arritur të shënojë vetëm dy herë që nga ardhja e tij në afatin kalimtar të janarit.

Mungesa e Rashford mund të jetë e kushtueshme pasi United vazhdon luftën e tyre në kompeticionet e Europa League dhe FA Cup.

/GazetaSinjaliSport/