Një ngjarje e tmerrshme ka ndodhur sonte në QKUK, ku një person dyshohet se ka vrarë ish-bashkëshorten e tij shtatzënë para objektit të Gjinekologjisë, raporton Gazeta Sinjali.
Ekipi i Forenzikës dhe Institutit të Mjekësisë Ligjore kanë mburritur para Gjinekologjisë, rreth një orë e gjysmë pasi një grua shtatzënë 35-vjeçare u vra nga një burrë.
Gruaja shtatzënë është vrarë me një plumb të armës së zjarrit, pasi në vendin ku dyshohet se u vra, Policia ka gjetur një gëzhojë.
Sipas Policisë, gruaja u vra rreth orë 18:00, me shkaqet që ende nuk dihen.
Burimet e Sinjalit kanë bërë me dije se i dyshuari për këtë krim të rëndë ndodhet në arrati, ndërkohë që Policia ka aktivizuar ekipin hetimor, njësitin e Forenzikës dhe ka filluar operacionin për identifikimin dhe kapjen e tij.
