Pesë personat që humbën jetën si pasojë e një sulmi në Norvegji gjatë javës së kaluar ku u raportua se ishte sulm me shigjetë dhe hark, në të vërtetë janë sulmuar nga një “objekt i mprehtë” shkruan Gazeta Sinjali.

I dyshuari, Espen Andersen Brathen, qëlloi mbi njerëzit me shigjeta në Kongsberg, afër kryeqytetit, Oslo.

Por hetuesit thanë se në një moment ai ose hodhi poshtë ose humbi harkun e tij.

Ky sulm ishte sulmi më i rëndë në Norvegji që kur ekstremisti i ekstremit të djathtë Anders Breivik masakroi 77 njerëz një dekadë më parë.

Policia bëri të ditur të hënën se pesë personat u vranë me një objekt të mprehtë si në shtëpitë e tyre ashtu edhe në hapësirat publike, pa dhënë detaje të tjera, shkruan BBC, përcjell Gazeta Sinjali.

Në një deklaratë, policia tha se informacioni mbi llojin e armës së përdorur nuk mund të jepet pasi ende nuk janë marrë në pyetje të gjithë dëshmitarët.

Ata gjithashtu thanë se viktimat u përzgjodhën rastësisht dhe se një numër njerëzish u qëlluan me shigjeta në fillim të sulmit, por asnjë nuk u vra prej tyre. /GazetaSinjali/