Trepça ka arritur që ta mposhtë Bashkimin në kuadër të xhiros së 19-të në Superligën e Kosovës në basketboll, raporton Sinjali Sport.

Xehetarët triumfuan në udhëtim ndaj prizrenasve me rezultat 57:63, në një takim që u përmbyll me pak pikë.

Në periudhën e parë skuadra e Bashkimit ishte më e mirë duke e fituar me rezultat 16:12, ndërsa të dytin me një pikë më shumë fitoi Trepça (11:12).

Pasi pjesa e parë i takoi vendasve, ajo e dyta i takoi mitrovicasve të cilët i e fituan çerekun e tretë dhe të katërt (11:15) dhe (19:24).

Drilon Hajrizi ishte basketbollisti më efikas, duke shënuar 21 pikë dhe 10 kërcime, duke luajtur me double-double.

Në anën tjetër te Bashkimi, lojtari më i dalluar ishte Cr Ross me 18 pikë.

Me këtë fitore Trepça arkëton fitoren e 13, derisa ka edhe gjashtë humbje në pozitën e dytë.

Bashkimi me këtë disfatë ka bilanc prej tetë fitoreve dhe 11 humbje në pozicionin e gjashtë. /Gazeta Sinjali Sporti/