Transferimi i Arsenalit këtë merkato verore, Fabio Vieira, pretendon se ndan “cilësi” me shtatë herë fituesin e Topit të Artë, Lionel Messi dhe po kërkon të ndjekë gjurmët e bashkatdhetarit Cristiano Ronaldo pasi bëri lëvizjen e tij në Premier League.
22-vjeçari u bë nënshkrimi i parë i ‘Topçinjve’ këtë merkato verore, duke përfunduar një transferim prej 30 milionë funteve në qershor.
Ai u ble në fund të një sezoni 2021-22 në Porto, i cili shënoi gjashtë gola dhe 11 asistime, dhe Vieira beson se ai mund të shfaqë një aftësi në futbollin anglez që është e krahasueshme – të paktën në disa departamente – me atë të Messit.
Duke shpjeguar pikat e tij të forta për The Athletic, Vieira ka thënë: “Unë e dua Ronaldon dhe Messin. Më pëlqen Messi për shkak të stilit të lojës. Është si e imja – me këmbë të majtë, disa nga të njëjtat cilësi. Dhe Ronaldo jo sepse është portugez, por për shkak të punës së palodhur dhe mentalitetit të pabesueshëm. Dhe ai shënon shumë gola. Ata janë lojtarë të jashtëzakonshëm.”
Vieira shtoi për sfidën e tij në Premier League: “Është liga më e mirë në botë. Anglia ishte gjithmonë shumë tërheqëse për mua. Këtu kanë luajtur lojtarë të mëdhenj portugez: Cristiano Ronaldo, Bernardo Silva, Bruno Fernandes, Joao Moutinho, Joao Cancelo. Unë dua t’i ndjek ata.
Ka qenë gjithmonë ëndrra ime të luaja për Porton kur isha i ri. Por ëndrra ime e vërtetë ishte të luaja në Premier League”.
Ai ka treguar për pozicionin e të luajturit se ku do ta bënte më të lehtë për të të lulëzonte në Emirates Stadium: “Menaxheri më tha se e di që mund të luaj si mesfushor – numër 8, numër 10 – ose në krah, në krahun e majtë ose të djathtë, anësor. Ata e dinë që unë jam një lojtar i gjithanshëm.
“Preferoj pozitën e numrit 10. Është pozicioni im i vërtetë“, ka përfunduar mesfushori portugez.
