image Tragjedia për shkak të borxhit/ Këta janë 5 të dyshuarit për vrasjen e Egzon Rafunës në Gjilan - Sinjali

Tragjedia për shkak të borxhit/ Këta janë 5 të dyshuarit për vrasjen e Egzon Rafunës në Gjilan

news image

Prokuroria Themelore në Gjilan ka kërkuar nga Gjykata caktimin e masës së paraburgimit, në afat prej 30 ditësh, ndaj 5 të dyshuarve për vrasjen e të riut Egzon Rafuna. Sinjali mëson se të dyshuarit janë Valdrin Halimi, Erdonis Nuredini, Rabit Idrizi, Ardit Sylejmani dhe Blerim Kurti.

Vrasja e Egzon Rafunës dyshohet se ndodhi për shkak të një borxhi, shkruan Gazeta Sinjali.

Sipas Prokurorisë, ekziston dyshimi i bazuar se më 08 nëntor 2021, rreth orës 20:40 minuta, në lagjen ‘’Arbëria’’, në Gjilan, afër shtëpisë së të ndjerit E.R., pas një mosmarrëveshje rreth një borxhi në të holla në mes të pandehurve, të pandehurit me dashje kanë privuar nga jeta tani të ndjerin E.R., në atë mënyrë që të pajisur me dy lloje të armëve të zjarrit, kanë gjuajtur shtatë (7) herë në drejtim të njërit tjetrit, ku nga shkëmbimi me armë zjarri ka mbetur i vdekur i ndjeri E.R., ndërsa plagë të rënda trupore ka pësuar edhe i pandehuri V.H., i cili ka kërkuar ndihmë mjekësore në QKUK, në Prishtinë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/


Shpërndaje artikullin